Իվետա Տոնոյանը՝ Էդմոն Մարուքյանի օգտին քվեարկելու մասին

Խորհրդարանական ճեպազրույցում ԲՀԿ-ական պատգամավոր Իվետա Տոնոյանն ի պատասխան հարցին, թե հնարավո՞ր է, իրավիճակային տարբերակներից ելնելով, քվեարկեն Էդմոն Մարուքյանի օգտին, ասաց.

«Ես երբևէ քաղաքականության մեջ հակված չեմ եղել Նոստրադամուսի սկզբունքով առաջնորդվել, այդ իսկ պատճառով կարող եմ ասել, որ մենք ունենք մեկ օրակարգ, դա Նիկոլ Փաշինյանի հրաժարականն է:

Իվետա Տոնոյանն ընդգծեց, որ Վազգեն Մանուկյանը 17 քաղաքական ուժերի, ինչպես նաև հանրային տարբեր շրջանակների կողմից առաջադրված է վարչապետի թեկնածու և նրա վարչապետ դառնալուց ու անցումային կառավարություն ձևավորելուց հետո արտահերթ խորհրդարանական ընտրությունների անկացման միջոցով նոր իշխանությունների ձևավորման հարցն է իրենց օրակարգում: