«ՀՀ-ում փոփոխություններ անհրաժեշտ են բայց ոչ հեղափոխական ճանապարհով». Դավիթ Բաբայան

«Ժողովուրդն արժանի է այն իշխանությանը, որն ընտրել է»,- «Ֆակտոր»-ի եթերում ասել է Արցախի Հանրապետության նախագահի խորհրդական Դավիթ Բաբայանը՝ անդրադառնալով ՀՀ-ի ներքաղաքական իրավիճակին և ընդդիմադիր ուժերի և հասարակության մի մասի պահանջին՝ Նիկոլ Փաշինյանի հրաժարականին:

Նրա կարծիքով՝ ՀՀ-ում փոփոխություններ անհրաժեշտ են. «Բայց մենք հիմա պետք է տեսնենք՝ հասարակությունն ինչ է ուզում, ի՞նչն է այդ հասարակության արժեհամակարգում: Ես չեմ ուզում, որ մենք մեղադրենք մեկ-երկու հոգու: Ունենք այն ինչ ունենք: Խնդիր ունենք չէ՞ բարոյահոգեբանական, երբ ղարաբաղցիներին անվանում են թուրք, երբ ասում են՝ Ջաբրայիլն ու Քարվաճառը նույն բանն է: Սրա՞ն ենք մենք արժանի: Եթե ուզում ենք այլ պատմություն կերտել, ժողովուրդն ինքը պիտի դա անի, բայց ես տեսնում եմ, որ կան մարդիկ, ովքեր հրճվում են: Ասում են՝ Թուրքիայի հետ հարաբերությունները պետք է զարգացնենք, էս ի՞նչ է, երա՞զ է, թե՞ իսկապես այդպես են ասում...: Ես կարծում եմ, որ փոփոխություններ անհրաժեշտ են, բայց ես չեմ ուզում, որ դրանք լինեն հեղափոխական ճանապարհով: Հեղափոխական փոփոխությունն ամենասարսափելի բանն է, որ կարող է լինել, բայց սա արդեն ՀՀ քաղաքացիների որոշումն է...»,- ասել է Բաբայանը:

Մանրամասները՝ տեսանյութում: