«Այդ հայտարարությունը նաև պատերազմի ավարտ ինքնին չի նախատեսում». Արման Մելիքյան

Արցախի նախկին արտգործնախարար Արման Մելիքյանը ֆեյսբուքյան էջում գրել է. «Եռակողմ հայտարարության իրականացման ընթացքի հետ կապված որոշ պարզաբանումներ տալու կարիքն եմ տեսնում: Այդ հայտարարությունն Արցախի կարգավիճակի ու տարածքային ամբողջականության խնդիր լուծելու նպատակ չի ունեցել և չունի: Այդ հայտարարությունը նաև պատերազմի ավարտ ինքնին չի նախատեսում: Այն, առաջին հերթին, Ադրբեջանի տարածքն առնվազն Խորհրդային սահմաններում վերականգնելու նպատակ է հետապնդում: Այդ իսկ պատճառով ՀՀ զինված ուժերն, ըստ այդմ, պետք է տեղակայվեն ՀԽՍՀ-ՀՀ սահմաններից ներս: Եռակողմ հայտարարությունը չի նախատեսում Արցախի Հանրապետության տարածքային ամբողջականության վերականգնում՝ անգամ ԼՂԻՄ սահմաններով, սակայն տեսականորեն թույլ է տալիս, որպեսզի Արցախի ՊԲ ստորաբաժանումները շարունակեն մնալ այն դիրքերում, որոնցում գտնվել են մարտակական գործողությունների դադարեցման պահին: Եռակողմ հայտարարության իրականացումը հավասարապես երաշխավորում են ինչպես Փաշինյանի կառավարությունն, այնպես էլ 17+ ընդդիմադիր խմբավորումը»: