«Վայելե՛ք անարցախ Հայաստանը». Ա. Քանանյան

Քարվաճառում բնակվող քաղաքագետ, ծնունդով թիֆլիսեցի Ալեքսանդր Քանանյանը ֆեյսբուքյան իր էջում գրել է. «Քարվաճառի եւ Քաշաթաղի դաւաճանական յանձնումը շղթայաբար եւ անխուսափելիաւրէն յանգեցնում է Սիւնիքի վերահաս կորստեան։ Գործընթացն անշրջելի եւ անկասելի է․․․ «ՀԽՍՀ» վարչական սահմանները բացարձակապէս անկենսունակ են։ Դրա մասին միլիարդ անգամ ասել ենք Կասկադի կաֆէներից դուրս հայրենի աշխարհագրութիւնից անտեղեակ տարատեսակ տարածք յանձնող լեւոնաբոյս դեգեներատներին։ Այժմ վայելէ՛ք անարցախ Հայաստանը, որը ձեր քաղքենի զազրագիտակցութեան մէջ սոսկ Էջմիածնով, Գառնի֊Գեղարդով ու Սեւանի թերակղզիով է սահմանափակուում։
Բարեբախտաբար՝ պատմութեան սանիտարի առաքելութեամբ հանդէս եկող թուրքը որեւէ դէպքում չի հանդուրժի ձեր անուրջների «արարատեան» թանգարանային հանրապետութեան գոյութիւնը, որչափ էլ այն ճանաչի բոլոր ներկայ «սահմանները»․․․ Ձեզ շատ քիչ ժամանակ է մնացել։ Իսկ մինչ այդ՝ հերթով շարքով վարձակալէք ռեստորանների «կուպէները» եւ հանգստեան տների սենեակները՝ հերթական ամանորի լափով զխտկուելու համար․․․ Հոգ չէ․ ամէն ինչ արդար է եւ թուրքը գալիս է․․․»: