«Հիշատակը վառ պահելուց և փառաբանելուց բացի պետք է նրանց ընտանիքներին պետականորեն հավերժ տեր կանգնել». Մնացական Բիչախչյան

ՀՀ ոստիկանության անձնագրային և վիզաների վարչության նախկին պետ Մնացական Բիչախչյանը ֆեյսբուքյան իր էջում գրել է․ «2020թ. սկզբից մինչև հիմա կորցրինք թանկ շատ բաներ՝ հայրենի հողեր, տարածքներ, հարազատ ու թանկ մարդկանց. դեռ կորուստը շարունակվում է:
Ի՞նչն է հնարավոր վերականգնել:
Վերականգնելու մասին մտածելուց առաջ ամեն մեկը պետք է վերագտնի հենց ինքն իրեն, հակառակ դեպքում նման կլինի անծայրածիր անտառից դուրս գալու ճանապարհը փնտրողի, ով նույնիսկ անտառի մեջ իր տեղը չգիտի:
Իսկ վերագտնել, նշանակում է նախ առաջինը կարողանալ կառավարել ինքդ քեզ, այլ ոչ կառավարվել պատրանքներով, ստերով, էմոցիաներով, էյֆորիաներով:
Իսկ այն ինչը հնարավոր չէ հետ բերել, դա իրենց կյանքը զոհած հայրենիքի պահապաններն են, հաշմանդամ դարձածների առողջությունը: Հիշատակը վառ պահելուց և փառաբանելուց բացի պետք է նրանց ընտանիքներին պետականորեն հավերժ տեր կանգնել, այլապես միայն բանաստեղծություն ձոնելով, գովերգելով՝ կապրենք դատարկ պոպուլիզմով»: