«Դեմարկացիան ունի փաստաթղթային հիմք». Արմեն Գրիգորյան

189

Ուրբաթ, 18 դեկտեմբերի, 2020 թ., 14:55

Անվտանգության խորհրդի քարտուղար Արմեն Գրիգորյանը լրագրողների հետ զրույցում հայտարարեց, որ սահմանազատումն ունի փաստաթղթային հիմք:

«ՊՆ-ը երեկ հայտարարել է, որ ՀՀ տարածքից որևիցե զիջում չի լինելու, և բանակցություններ են ընթանում, որպեսզի այդ դեմարկացիան լինի»,- նշեց Գրիգորյանը:

Հարցին, թե արդյոք մանիպուլյացիա չկա՞ նրանում, երբ հավաստիացնում են, որ Սյունքիը չի տրվելու, բայց տրվում են կարևոր բարձունքներ, ԱԽ քարտուղարն ասաց.

«Բնականաբար, այս նոր միջավայրը մեզ համար ահագին խնդիրներ է ստեղծել, բայց մենք պիտի հասկանանք, որ սահմանազատում է կատարվում և դա կատարվում է փաստաթղթային հիմքերի վրա»:

Հարցին, թե, ի վերջո, սպասելի՞ էր, որ սեպտեմբերի 27-ին թշնամին հարձակվելու է, Գրիգորյանն ասաց.

«Պատերազմի մասին գնահատական եղել է, բայց օրվա և տեղի մասին՝ ոչ»: