«Ամեն օրը, երբ Նիկոլ Փաշինյանը մնում է, ավելի ենք խրվում ճահճի, կեղտի մեջ»․ Աջապահյան

«Ես քաղաքականությամբ զբաղվելու ցանկություն չունեմ, բայց հայրենիքի կորստի հետ հաշտվելու հնարավորություն չունեմ: Ես իմ ապրած տարիների իմաստն եմ կորցրել, իմ հպարտությունն եմ կորցրել»,-այսօր Նիկոլ Փաշինյանի հրաժարականի պահանջով հանրահավաքին ասաց Տ. Միքայել եպիսկոպոս Աջապահյանը։

Նա նշեց, որ ամեն օրը, երբ Նիկոլ Փաշինյանը մնում է, ավելի ենք խրվում ճահճի, կեղտի մեջ․ «Հետևաբար, ինքը, իր քաղաքական կյանքը երկարացնելով, դժվարացնում է հաջորդի ամեն մի եկող օրը, դրա համար անհրաժեշտ է օր առաջ, վայրկյան առաջ հեռանա և դրա համար միասնական կամք է պետք»,-ասաց նա:

Հիշեցնենք, որ այս պահին քաղաքացիները երթով գնում են դեպի Գր․ Լուսավորիչ եկեղեցի, որտեղ կկատարվի հոգեհանգստի կարգ։