Արցախի դատախազությունում ստուգում են պետական դավաճանության վերաբերյալ հաղորդման փաստերը

Արցախի Հանրապետության դատախազությունը ստացել է պետական դավաճանության և Սահմանադրական կարգի տապալման հատկանիշներով ներկայացված հանցագործության մասին հաղորդումը։ Ներկայում այն գտնվում է ստուգման փուլում։ Այս մասին «Փաստինֆո»-ն տեղեկացել է ԱՀ գլխավոր դատախազության աշխատակազմի հանրային կապերի բաժնի պետ Կիմ Գաբրիելյանից։

Արցախի քաղհասարակության ներկայացուցիչները հանցագործության մասին հաղորդում էին ներկայացրել ԱՀ գլխավոր դատախազություն՝ պահանջելով քրեական գործ հարուցել՝ դավաճանության, Արցախում սահմանադրական կարգը տապալելու և ԱՀ շրջանները Ադրբեջանին հանձնելու հետևանքով, Արցախին գույքային վնաս պատճառելու դեպքի առթիվ, հավելում է լրատվամիջոցը: