Առուշանյանի գործով դատարանը հեռացել է խորհրդակցական սենյակ

300

Երեքշաբթի, 22 դեկտեմբերի, 2020 թ., 12:20

Գորիսի քաղաքապետ Առուշ Առուշանյանի փաստաբան Արմեն Մելքոնյանը քիչ առաջ լրագրողների հետ զրույցում տեղեկացրեց, որ դատարանը հեռացել է խորհրդակցական սենյակ: «Մոտ 1.5 ժամ քննարկվեցին հարցերը, կարծում եմ՝ պաշտպանական թիմին հաջողվեց հիմնավորել, որ Առուշ Առուշանյանի ձերբակալումը բացարձակ ապօրինի է, նպատակ էր հետապնդում մեկուսացնել նրան համայնքից: Երևի մի քանի ժամից որոշումը կհրապարակվի»: Նա հայտարարեց, որ այս ամենը քաղաքական ենթատեքստ ունի:

Ավելի վաղ հայտնել էինք, որ դատարանը քննում է Գորիսի քաղաքապետ Առուշ Առուշանյանին ձերբակալելու որոշման դեմ բողոքը: