«Ռուսն ա կազմակերպել էն, ինչ տեղի է ունեցել՝ և՛ պատերազմը, և՛ լուծումները». Շանթ Հարությունյան

«Հայրենիքի փրկության շարժման» հանրահավաքի կազմակերպիչներն իշխանության գալու խնդիր են լուծում, իսկ Նիկոլը՝ իր իշխանությունը պահելու: Այս մասին 24TV-ի եթերում ասել է «Ցեղակրոն» կուսակցության առաջնորդ Շանթ Հարությունյանը և նշել, որ ինքը չի հետևում նստացույցերին: «Իրենք չեն գալու Հայաստանի քաղաքական գիծը փոխելու, իրենք ուզում են գալ իշխանության»,- ասել է Հարությունյանը՝ նկատի ունենալով 17 կուսակցություններին և նրանց կողմից առաջարկված թեկնածուին: «Ես կարծում եմ, որ Ռուսաստանը նախատեսել է որոշակի մեղմացնող գործընթացներ հաջորդ էն թեկնածուի համար, որին կձգտի բերել ու երկրորդական հարցերում առավելություններ կտա, որ մարդիկ ասեն՝ հեսա մարդը եկավ, սա արեց»:

«Ռուսն ա կազմակերպել էն, ինչ-որ տեղի է ունեցել՝ և՛ պատերազմը, և՛ լուծումները»,- ասել է «Ցեղակրոն» կուսակցության առաջնորդը:

Ըստ Շանթ Հարությունյանի՝ Հայաստանում կառավարած չորս ղեկավարներն էլ «դրսի պրոեկտ են՝ ռուսական ԿԳԲ-ի դրածո»: «Փաշինյանը ռուս-թուրքական ծրագիրն ա շարունակում,- հավելել է նա,- Հայաստանի քաղաքական էլիտան, որոնց ռուսն է նշանակել, չգիտեն՝ իրենք սոված են, թե իրենց քունն է տանում, իրենց փոխարեն Ռուսաստանը գիտի ու հատկապես՝ Պուտինը»,- եզրափակել է «Ցեղակրոն» կուսակցության առաջնորդը: