«Վաղը բոլոր կողմերից կշրջափակվի կառավարության շենքը. Փաշինյանը չպիտի նիստ անցկացնի». Գ. Մանուկյան

ՀՅԴ-ական Գեղամ Մանուկյանն այսօր Հանրապետության հրապարակում տեղի ունեցող հանրահավաքի ժամանակ հայտարարեց, որ վաղն առավոտյան վարչապետի հրաժարականը պահանջող քաղաքացիները շրջափակելու են ՀՀ կառավարության շենքը՝ բոլոր կողմերից:

Նշենք, որ վաղը՝ ժամը 11:00-ին նախատեսվում է Կառավարության հերթական նիստը և վարչապետի հրաժարականը պահանջող ընդդիմադիր ուժերն ու քաղաքացիները պատրաստվում են թույլ չտալ գործադիր մարմնի անդմաներին մուտք գործել Կառավարության գլխավոր շենք:

«Կառավարության անդամները ելքի ու մուտքի հնարավորություն չպետք է ունենան: Նիկոլ Փաշինյանը վաղը պետք է զրկվի իբրև վարչապետ կառավարության նիստ անցկացնելու հնարավորությունից», - հայտարարեց Մանուկյանը:

Նա նաև հայտնեց, որ վրանները մնալու են Հանրապետության հրապարակում, նստացույցը շարունակվելու է: