«Ազատությո՛ւն Առուշին». Գորիսի քաղաքապետի աջակիցները դատարանի դիմաց են

Շարունակվում է Գորիսի քաղաքապետ Առուշ Առուշանյանի կալանավորման միջնորդության քննությունը:

Ընթացող քննությանը զուգահեռ Առուշանյանի աջակիցները դատարանի դիմաց ակցիա են իրականացնում՝ պահանջելով ազատ արձակել քաղաքապետին. «Ազատությո՛ւն Առուշին»,- դատարանի բակում վանկարկում են նրանք:

«Մեր քաղաքապետն էսօր էստեղ է, չգիտես, թե ինչ քաղաքկան խնդիրներից ելնելով՝ նրա նկատմամբ քրեական գործեր են հարուցել և անհեթեթ դատական պրոցեսներ են սկսվել: Այսքան պրիմիտիվ իշխանություն ես չեմ տեսել երբևէ...: Այս իշխանությունը պետք է հեռանա, էլ հող չունենք տալու, ինչ կար, տվել ենք, ամոթ ա: Սա ազգային արժանապատվության խնդիր ա: Ազատություն Առուշին»,- լրագրողների հետ զրույցում ասաց աջակիցներից մեկը: