«Սահմանադրության երաշխավորի տիտղոս ունեցող նախագահն ինչո՞ւ չի այցելում Սյունիք». Դ. Մալխասյան

Քաղաքական մեկնաբան Դերենիկ Մալխասյանը ֆեյսբուքյան իր էջում գրել է. «Ինչո՞ւ է լռում ու անգործություն դրսևորում ՀՀ նախագահ Արմեն Սարգսյանը
Հասկացանք, որ Նիկոլ Փաշինյանը Սյունիքի ՏԻՄ-երի ու սյունեցիների հետ հարաբերվելու խնդիր ունի։ Համայնքապետերի նկատամամբ հետապնդումները՝ դրա վառ օրինակը։
Սակայն Սյունքում դրանով խնդիրները չեն լուծվում, սահմանազատման հետ կապված հսկայական խնդիրներ կան։
Այստեղ զարմանալի է իրեն չեզոք դիրքավորող նախագահ Արեմն Սարգսյանի կեցվածքը։
Սահմանադրության երաշխավորի տիտղոս ունեցող նախագահն ինչո՞ւ չի այցելում Սյունիք՝ տեղում ծանոթանալու իրավիճակին, ինչո՞ւ չի փորձում խոսել ՏԻՄ-երի ղեկավարների ու հասարակ սյունեցիների հետ։
Ինչո՞ւ ձայն չի հանում Սյունիքի համայնքապետերի նկատմամբ տեղի ունեցող քաղաքական հետապնդումների մասին։
Թե՞ համարում է, որ ՀՀ կառավարության հրաժարականը պահանջելը բավարար էր փիարվելու ու հանգիստ նստելու համար»։