Սինգապուրում հայտնաբերվել է կորոնավիրուսի նոր շտամով վարակման առաջին դեպքը

Սինգապուրում հայտնաբերվել է կորոնավիրուսի նոր շտամով վարակման առաջին դեպքը։ Այն ի հայտ է եկել Մեծ Բրիտանիայից վերջերս վերադարձած 17-ամյա ուսանողուհու մոտ, հայտնում է Strait Times թերթը՝ հղում անելով երկրի առողջապահության նախարարությանը:

Նշվում է, որ ուսանողուհին Մեծ Բրիտանիայում էր գտնվում օգոստոսից և Սինգապուր է վերադարձել դեկտեմբերի 6-ին։ Արդեն հաջորդ օրը նա բարձր ջերմություն է ունեցել, դեկտեմբերի 8-ին ուսանողուհու թեստի պատասխանը դրական է եղել։

Սինգապուրի առողջապահության նախարարությունը նշել է, որ ևս 11 հոգի կարող է վարակված լինել, սակայն արդյունքները դեռ հաստատված չեն: