«Արցախցի նախադպրոցական տարիքի երեխաներն ամանորյա աջակցություն կստանան». Մ. Առաքելյան

Այսօր՝ Կառավարության նիստում, քննարկման դրվեց «Արցախի նախադպրոցական տարիքի երեխաների ամանորյա աջակցության միջոցառումը հաստատելու մասին» հարցը, որի արդյունքում որոշվեց աջակցություն տրամադրել արցախցի նախադպրոցական տարիքի երեխաներին:

«Միջոցառումը աջակցության միանվագ նախաամանորյա ծրագիր է: Միջացառման շահառու են հանդիսանում Արցախում գրանցված երեխաները, մասնավորապես ծնված՝ 2015-ի հունվարի 1-ից: Աջակցության չափը յուրաքանչյուր երեխայի չափով կազմում է 20 հազար դրամ: Աջակցութունը նախատեսվում է տրամադրել մինչև Ամանորը՝ հաջորդ շաբաթվա ընթացքում»,- ասաց Աշխատանքի և սոցիալական հարցերի նախարար Մեսրոպ Առաքելյանը:

Նախարարը նշեց, որ միջոցառումն ամբողջովին ֆինանսավորվում է պարգևավավճարների և աշխատավարձերի, հավելավճարների ֆոնդից: