«Պետությունը դիսֆունկցիայի մեջ է, պետական մարմիններ ուղղակի չկան». Արման Բաբաջանյան

ԱԺ պատգամավոր Արման Բաբաջանյանը ֆեյսբուքյան իր էջում գրել է. «Պետությունը դիսֆունկցիայի մեջ է, պետական մարմիններ ուղղակի չկան։ Սյունիքում ամբողջ երկու գյուղի՝ Շուռնուխի ու Որոտանի հարց է վճռվում և դա արվում է ռուս խաղաղապահների մակարդակով և նրանց միջոցով, որովհետև օրինակ, մենք ԱԽ քարտուղար չունենք։ Ինչպես պատերազմի օրերին, այնպես էլ պատերազմից հետո որևէ մեկը չի մտաբերի այս մարմնի, այս կարևորագույն հաստատության ղեկավարի ակտիվությունը վերջին երկու-երեք ամիսներին՝ հուլիսյան մարտերից ի վեր, ոչ ոք չի հիշի, թե ԱԽՔ-ը երբ է վերջին անգամ հանդիպել կամ շփվել իր ռուսաստանցի գործընկերոջ հետ։

Սա ուղղակի անթույլատրելի է, սա ուղղակի աններելի է»։