Երկուշաբթի, 20 ապրիլի, 2026 թ.
|
Ստեփանակերտում`   +8 °C

«Շուռնուխի մայրուղու ձախ մասն ամբողջությամբ վիճելի տարածք է. 12 բնակելի տուն կա». գյուղապետը մանրամասնում է

«Շուռնուխի մայրուղու ձախ մասն ամբողջությամբ վիճելի տարածք է. 12 բնակելի տուն կա». գյուղապետը մանրամասնում է
287
Ուրբաթ, 25 դեկտեմբերի, 2020 թ., 18:20

Այսօր ԱԺ-ում տեղի ունեցած քննարկման ժամանակ ԲՀԿ-ական պատգամավոր Արման Աբովյանը զանգահարեց Շուռնուխի գյուղապետ Հակոբ Արշակյանին, որպեսզի վերջինը քննարկմանը ներկա պատգամավորներին ներկայացնի, թե ինչ իրավիճակ է Շուռնուխում:

«Մեր մոտ վերջին անգամ գործողություն կատարվել ա ճանապարհահատվածը եռակողմ չափագրելու ժամանակ: Չափագրել են GPS-ով, քարտեզում տեղադրել են հատվածները ու գնացել: Թուրք ա եղել, ռուսը ու մեր Ազգային անվտանգությունից»,- ասաց Արշակյանը:

Արման Աբովյանը հետաքրքրվեց, թե ի՞նչ քարտեզի հիման վրա են արվել չափագրումները. «Ես չգիտեմ: Ես մեր ԱԱԾ ներկայացուցչին որ հարցրել եմ իմ ներկայությունը էնտեղ պարտադի՞ր ա, ասել ա՝ ոչ»,- ի պատասխան ասել է Շուռնուխի գյուղապետը:

Պատգամավորը հետաքրքրվեց նաև, թե արդեն բնակելի տներ, արոտավայրեր հանձնվե՞լ են ադրբեջանական կողմին, ինչին ի պատասխան գյուղապետն ասաց. «Ոչ: Ո՛չ ադրբեջանցիներին ենք տեսել, ո՛չ սահմանապահներին, ո՛չ զորք ենք տեսել, ոչ մի բան: Դեռևս չեն մոտիկացել մեր հատվածին: Գյուղի հիմնական մայրուղու ձախ մասը դեպի Կապան որ գնում եք, էդ թաղամասն ա ամբողջությամբ վիճելի տարածքը...: Էդ թաղամասում 12 բնակելի տուն կա, նախկին փոստի շենքը, բայց դե չգիտեմ՝ կոնկրետ որ մասով ա, ինչ ա, տենց կողքից տեղեկանալով՝ գյուղի վերջին տունը մնում ա մեր սահմանում»: