ԱՀԿ ղեկավարը նախազգուշացրել է կորոնավիրուսի պատճառով 2021-ին նոր մարտահրավերների մասին

ԱՀԿ ղեկավար Թեդրոս Ադան Գեբրեյեսուսը հայտարարել է, որ 2021-ին աշխարհը կբախվի նոր մարտահրավերների, այդ թվում՝ կապված կորոնավիրուսի հետ: Այս մասին նա ասել Է Ժնևում կայացած մամուլի ասուլիսի ժամանակ։

Նրա խոսքով, «գալիք տարում սպասվում են նոր խնդիրներ, օրինակ՝ COVID-19-ի նոր տեսակները»։

Բացի այդ, ինչպես հաղորդում է AP-ն, Գեբրեյեսուսը նշել է, որ անհրաժեշտ է օգնություն ցուցաբերել այն մարդկանց, ովքեր հոգնել են համաճարակից: ԱՀԿ ղեկավարը նաև կոչ է արել համաճարակաբանական տեղեկատվություն փոխանակել ՄԱԿ-ի և այլ երկրների հետ:

Դեկտեմբերի կեսերին հայտնի է դարձել «բրիտանական» SARS-CoV-2 մուտացիայի մասին։ Ենթադրվում է, որ այդ շտամը 70%-ով ավելի վարակիչ է, քան վիրուսի սովորական տարբերակը, սակայն մահացության կամ հոսպիտալացման վրա դրա ազդեցության մասին տվյալները դեռ բավարար չեն: VUI-202012/01-ով վարակման դեպքեր, բացի Միացյալ Թագավորությունից, արդեն հայտնաբերվել են մի շարք այլ երկրներում։