«Մեր քաղաքական թիմից որևէ մեկը կառչած չէ պաշտոնից»․ Լիլիթ Մակունց

«Այն անձինք, ովքեր պահանջում են Նիկոլ Փաշինյանի հրաժարականը և որևէ կերպ չեն անդրադառնում արտահերթ ընտրությունների հնարավորությանը, իրենց կողմից փորձ է արվում շրջանցել քաղաքացու ընտրության և իշխանություն ձևավորելու հնարավորությունը»,- այսօր՝ լրագրողների հետ զրույցում հայտարարեց «Իմ քայլը» խմբակցության ղեկավար Լիլիթ Մակունցը։

Իշխանական պատգամավորը վերահաստատեց իրենց դիրքորոշումը, ըստ որի՝ «որևէ մեկն աթոռից կառչած չէ»․ «Մեր քաղաքական թիմը վերահաստատում է այն դիրքորոշումը, որ մեզնից որևէ մեկը կառչած չէ պաշտոնից, աթոռիից, բայց անչափ կարևոր է, որպեսզի այն մեխանիզմը, որով ՀՀ քաղաքացին հնարավորություն ունի ձևավորելու նոր իշխանություն, այդ հնարավորությունն ունենա»,- ասաց Մակունցը։