Հինգշաբթի, 05 նոյեմբերի, 2026 թ.
|
Ստեփանակերտում`   +12 °C

ՄԱԿ գլխավոր քարտուղարն առաջարկել է 2021թ-ը նվիրել ապաքինմանը

ՄԱԿ գլխավոր քարտուղարն առաջարկել է 2021թ-ը նվիրել ապաքինմանը
1085
Չորեքշաբթի, 30 դեկտեմբերի, 2020 թ., 02:25

ՄԱԿ գլխավոր քարտուղար Անտոնիո Գուտերեշը կոչ է արել 2021թ-ը նվիրել կորոնավիրուսային համաճարակի հետևանքներից ապաքինմանը: Այս մասին ասվում է գլխավոր քարտուղարի ամանորյա տեսաուղերձում։
«Եկեք հաշտվենք միմյանց և բնության հետ, հաղթահարենք կլիմայական ճգնաժամը, կանգնեցնենք COVID-19-ի տարածումը և 2021թ-ը դարձնենք ապաքինման տարի»,-հայտարարել է Գուտերեշը:
Նա նշել է, որ խոսքը համաճարակի հետևանքներից ապաքինման, «քայքայված տնտեսության և հասարակության» ապաքինման, բաժանումների վերացման և «մեր մոլորակի ապաքինմանն ուղղված գործողությունների մեկնարկի մասին է»:
Նրա խոսքով՝ անցնող տարին փորձություններ, ողբերգություններ ու արցունքներ է բերել։ Կորոնավիրուսի համաճարակը փոխել է մարդկանց կյանքը, և աշխարհում աճում է աղքատության, անհավասարության և սովի մակարդակը: Միաժամանակ Գուտերեշը նշել է, որ այս տարվա դասն այն է, որ այնպիսի ճգնաժամեր, ինչպիսիք են կլիմայի փոփոխությունը և COVID-19 համաճարակը, կարելի է հաղթահարել միայն ընդհանուր ջանքերով:

Կարդացե՛ք նաև