ԱՄՆ-ում բուժաշխատողը միտումնավոր փչացրել է կորոնավիրուսի դեմ պատվաստանյութի 500 չափաբաժին

1627

Հինգշաբթի, 31 դեկտեմբերի, 2020 թ., 21:05

ԱՄՆ-ում Aurora Medical Center բժշկական կենտրոնի աշխատակիցը միտումնավոր փչացրել է Moderna ընկերության՝ կորոնավիրուսի դեմ պատվաստանյութի մոտ 500 չափաբաժին, գրում է РИА Новости-ն։
Հաղորդվում է, որ աշխատակիցը սառնարանից հանել է դեղամիջոցի 57 փաթեթ և հետ չի դրել դրանք, ինչից հետո ստիպված են եղել պատվաստանյութերը դեն նետել՝ ոչ պատշաճ պահպանման պատճառով:
Հետաքննության ընթացքում բուժաշխատողը խոստովանել է, որ դա հատուկ է արել։ Բժշկական իշխանությունները, մեկնաբանելով միջադեպը, հայտարարել են, որ «առավել քան ցավում են, որ մի մարդու գործողությունները կհանգեցնեն ավելի քան 500 մարդու շրջանում պատվաստանյութի ստացման ուշացմանը»:
ԱՄՆ-ը կորոնավիրուսի տարածման ցուցանիշով աշխարհում առաջին տեղն է զբաղեցնում՝ վարակվել Է 19,7 մլն մարդ, մահացել՝ 342 հազար մարդ: