«Ինձ արժանի չեմ համարում Նժդեհի անունն անգամ տալ, քանի դեռ Սյունիքը վտանգված է». Հրայր Կոստանյան

«Հայք» ազգայնականների միավորման հիմնադիր անդամ Հրայր Կոստանյանը ֆեյսբուքյան իր էջում գրել է. «Անցած տարի այս նույն օրը՝ Գարեգին Նժդեհի ծննդյան օրը, արձանի մոտակայքում բավականին շատ մարդ կար, այսօր բացարձակ դատարկություն էր։ Ավելին՝ անտերության մատված, սառցապատ ու ձնապատ վիճակ էր ...
Ինչևէ, ընկերներով արագ կազմակերպեցինք ու մաքրեցինք, որքան հնարավոր էր։
Անկեղծ ամաչում էի այս արձանին մոտենալ, ինձ արժանի չեմ համարում Նժդեհի անունն անգամ տալ, քանի դեռ ողջ երկիրը հայկական ազգանուններով թուրքերի օկուպացիայի ներքո է, քանի դեռ Սյունիքը վտանգված է, բայց և չեմ կարող չհիշել նրան, քանզի միայն ու միայն Նժդեհի անցած ուղին կարող է ոգեշնչել ու հույս տալ, որ անհնարինն անգամ հնարավոր է...:
Ծնունդդ շնորհավոր, ՄԵԾՆ ՀԱՅ»: