Ֆրանսիայում խստացրել են կորոնավիրուսային սահմանափակումները

Ֆրանսիայի 15 դեպարտամենտում խստացնում են կորոնավիրուսի պատճառով սահմանափակումները։ Այս մասին հայտնել է կառավարության պաշտոնական ներկայացուցիչ Գաբրիել Աթալը։

Այսպիսով, հունվարի 2-ից պարետային ժամը կսկսվի ոչ թե 20.00-ից, այլ 18.00-ից։

Նշվում է, որ դեպարտամենտների ցուցակը կարող է ճշգրտվել՝ կախված իրավիճակի զարգացումից։

Բացի այդ, իշխանությունները հետաձգել են մշակութային հաստատությունների աշխատանքի վերսկսումը, որն ավելի վաղ նախատեսված էր հունվարի 7-ին:

Հոկտեմբերի 30-ից Ֆրանսիայում կրկնակի կարանտին է սահմանվել։ Դեկտեմբերի 15-ից այն փոխարինել են պարետային ժամով՝ 20.00-ից մինչև 06.00։