«Ժողովը կոչեցին Ազգային, բայց քաղաքական ուժերի ժողովից բարձր նշաձող չունեցան». Իզաբելլա Աբգարյան

Երևանի ավագանու նախկին անդամ Իզաբելլա Աբգարյանի գրառումը. «Ժողովը կոչեցին Ազգային, բայց քաղաքական ուժերի ժողովից բարձր նշաձող չունեցան:
Անվանեցին խորհրդարան, բայց խորհուրդ տալ ու ընդունել չկարողացան:
Ասացին՝ պառլամենտական պետություն ենք այսուհետ, բայց մի կաբինետում գտնվողի հետ ամեն բան կապեցին՝ մի մասը նրա առաջ ծնկած աղոթելով, մյուսը՝ նրա դեմ պայքարելով:
Ավագանի անվան ու բովանդակության մասին լավ է լռեմ ...
Ձևը կերավ բովանդակությունը:
Անվանումն ու էությունը իրար հետ կապ չունեցան:
Բայց այս ամենը կարևոր չի: Մի շեղվեք ձեր՝ ներքաղաքական նկրտումներից ու իրար ուտելուց: Մեղավորներ փնտրեք՝ ցեխոտ գնդակի պես ստեղծված իրավիճակի պատասխանատվությունը իրար վրա գցելով: Ում ավելի շատ կպավ ցեխոտ գնդակը՝ ինքն էլ պատասխանատու կհայտարարվի: Ու ամեն ինչ կշարունակվի իր հունով: Հարմարավետության զոնան այդպիսին է»: