Հունաստանում բժիշկը COVID-19-ի դեմ պատվաստումից հետո վերակենդանացման բաժանմունքում է հայտնվել

Աթենքի արվարձանում հիվանդանոցի ղեկավարի տեղակալը հայտնվել է վերակենդանացման բաժանմունքում և թոքերի արհեստական օդափոխության սարքին է միացվել կորոնավիրուսային վարակի դեմ Pfizer/BioNTech պատվաստանյութով պատվաստումից հետո: Այս մասին հայտնել Է Skai հեռուստաալիքը։
Նշվում է, որ 54-ամյա տղամարդու մոտ, ով կորոնավիրուսով չի վարակվել, դեկտեմբերի 30-ին ստորին շնչուղիների ինֆեկցիայի ախտանիշներ են ի հայտ եկել: Վարակի թեստը բացասական արդյունք է ցույց տվել, ախտանիշներ նա նույնպես չի ունեցել:
Հեռուստաալիքի տվյալներով՝ հաջորդ օրը նրա վիճակը վատթարացել է, իսկ հունվարի 1-ին նրա ինտուբացիան անհրաժեշտ են համարել, քանի որ ախտորոշվել է «շնչառական անբավարարություն՝ ստորին շնչուղիների վարակի պատճառով»:
Հունաստանի առողջապահության նախարարությունում նշել են, որ կապ չեն տեսնում պատվաստումների և բժշկի մոտ առաջացած վարակի միջև:
Հունաստանում դեկտեմբերի 27-ին սկսվել է բնակչության պատվաստման արշավը: Pfizer/BioNTech ընկերության առաջին պատվաստումն ստանում են բուժաշխատողներն ու տարեցները ծերանոցներում։