«Կարո՞ղ է վաղն էլ ասեք, որ Շուշին ու Դադիվանքը, Անին ու Կարսը հայկական չեն, քանի որ Սովետական Հայաստանի կազմում չեն եղել». Արթուր Խաչատրյան

ՀՀ Գյուղատնտեսության նախկին նախարար Արթուր Խաչատրյանը ֆեյսբուքյան իր էջում գրել է. «Կարդում եմ որոշ օգտատերերի գրառումները Հայաստանի սահմանների մասին ու քարանում: Անկեղծորեն չեմ կարողանում հավատալ, որ նույն ազգից ենք, նույն գեներն ունենք, մեր երակներով նույն արյունն է հոսում.... Հասկանու՞մ եք ինչ եք ասում: Կարո՞ղ է վաղն էլ ասեք, որ Շուշին ու Դադիվանքը հայկական չեն, Անին ու Կարսը, Սասունն ու Մուշը հայկական չեն, քանի որ Սովետական Հայաստանի կազմում չեն եղել: Ձեզ հայ մայր է բերել, թե՞ օձի ձվից եք դուրս եկել»: