«Չպետք է թույլ տալ, որպեսզի մեր ապագան, ճակատագիրը որոշեն բոլորովին այլ տեղ, այլ թղթերի վրա»․ Հայկ Դեմոյան

«Այն, ինչ մենք ունենք, ես 2017-ին դեռ բնորոշեցի որպես վերնախավային ճգնաժամ: Պետականություն ստեղծելու բավարար ջանք չունեցանք: Մեր ներուժը պատերազմի ժամանակ երևաց, ընդամենը 180 մլն դոլար, այն դեպքում, երբ վտանգված էր ոչ միայն Արցախը, այլ նաև Հայաստանը: Պարտությունը մեր սխալ արժեհամակարգ որդեգրելու, սխալ ուղղությամբ գնալու հետևանքն էր․․․։ Հիմա մենք դեպի ուր ենք շարժվելու, արդյոք նոր վերնախավեր կստեղծենք, ուրիշ արժեհամակարգ կորդեգրենք: Մենք չենք կարող մեր երեխաներին պարտվածի հոգեբանության մեջ թողնենք»,- այսօր տեղի ունեցած մտավորականների հավաքի ժամանակ ասել է Հայոց ցեղասպանության թանգարան-ինստիտուտի նախկին տնօրեն, պատմաբան Հայկ Դեմոյանը։

«Չպետք է թույլ տալ, որպեսզի կրկնվի, չպետք է թույլ տալ, որպեսզի մեր ապագան, ճակատագիրը որոշեն բոլորովին այլ տեղ, այլ թղթերի վրա։ Այդ ներուժը պետք է ցույց տանք։ Իսկ այդ ներուժը դոլարների քանակով չի չափվում, այլ գործողություններով»,- ասել է Հ․ Դեմոյանը։