«Վտանգավոր է, որ ծնողները խոչընդոտում են զինուժի տեղաշարժերը». Հովսեփ Խուրշուդյան

«Ազատ քաղաքացի» քաղաքացիական նախաձեռնությունների աջակցման կենտրոնի ղեկավար Հովսեփ Խուրշուդյանը գրել է. «Իրոք զավեշտալի է, որ որոշ ծնողներ մտածում են, որ իրենք պետք է որոշեն, թե իրենց չափահաս «երեխաները» որտեղ պետք է ծառայեն։

Բայց հատկապես վտանգավոր է, որ իրենք խոչընդոտում են զինուժի տեղաշարժերը, իսկ լրատվամիջոցները դա լայնորեն լուսաբանում են, մեծ մասը՝ անթաքույց հրճվանքով։

Ռազմական դրության պայմաններում նախ նման ակցիաները պետք է խստագույնս կանխվեն, միաժամանակ բանակի ու պատերազմի հետ կապված ցանկացած տեղեկություն հրապարակվելուց առաջ պետք է ստանա համապատասխան մարմինների թույլտվությունը։ Ռազմական օբյեկտների մոտ լրագրողների ներկայությունն իսկ պետք է բացառվի առանց հատուկ թույլտվության առկայության»։