Շաբաթական 100 հազար մահ. ԱՀԿ-ն զգուշացնում է

2396

Երեքշաբթի, 19 հունվարի, 2021 թ., 00:50

Առողջապահության համաշխարհային կազմակերպությունը նախազգուշացրել է ամեն շաբաթ կորոնավիրուսից 100 հազար մարդու հնարավոր մահվան մասին, գրում է Reuters գործակալությունը:
«Ներկայումս համաճարակաբանական իրավիճակը դինամիկ և անհավասար է զարգանում, ապագայում այն կարող է բարդանալ»,- հայտարարել է ԱՀԿ արտակարգ իրավիճակների ծրագրի տնօրեն Մայքլ Ռայանը:
Նշվում է, որ այժմ մահվան դեպքերի ավելի քան 47%-ը բաժին է ընկնում Հյուսիսային և Հարավային Ամերիկային, և հեռանկարում, կանխատեսումների համաձայն՝ ցուցանիշը կարող է աճել:
Եվրոպայում, իրավիճակը կայունանում է, սակայն մահացությունը մնում է բարձր մակարդակի վրա։
ԱՀԿ-ի վերջին տվյալների համաձայն՝ աշխարհում կորոնավիրուսի հայտնաբերված դեպքերի թիվը գերազանցել է 93 միլիոնը: Ամբողջ ընթացքում մահացել է ավելի քան 2 միլիոն մարդ։