«Այդ ընկերությունները բոլորը միասին հայտարարգրել են 46,9 միլիարդ դրամի հարկային վնաս». Լևոն Գալստյան

293

Չորեքշաբթի, 20 հունվարի, 2021 թ., 14:35

Բնապահպան Լևոն Գալստյանը ֆեյսբուքյան իր էջում գրել է. «Այս ցանկում մետաղական հանքահանությամբ զբաղվող կամ զբաղվելու թույլտվություններ ունեցող ընկերությունների 2016-ի արդյունքներով ներկայացրած հարկային վնասներն են։

Այդպիսի 25 ընկերություն գտա, բայց հնարավոր է էլի լինեն։

Այդ ընկերությունները բոլորը միասին հայտարարգրել են 46,9 միլիարդ դրամի (մոտ 100 միլիոն ԱՄՆ դոլար) հարկային վնաս։ Կարող եք տեսնել յուրաքանչյուր ընկերության տվյալներն առանձին ու վերլուծել ինքներդ։ Մինչև 2016-ն էլ է եղել գրեթե նույն վիճակը, իսկ 2017-ից ՊԵԿ-ը՝ չգիտես՝ ինչո՞ւ, արդեն սկսել է հրապարակել միայն ընկերությունների անուններն առանց գումարների թիվը նշելու»։