«Զոհերի թիվը 4000-ը չի անցնելու». Տիգրան Ավինյան

239

Չորեքշաբթի, 20 հունվարի, 2021 թ., 19:45

Փոխվարչապետ Տիգրան Ավինյանն այսօր Աժ-ում ներկայացրեց թվային տվյալներ պատերազմի թողած հետևանքներից:

«Այս պահի դրությամբ ունենք դուրս բերված 3439 մարմին, որոնցից դեռևս նույնականացված չէ 766-ը։ Նույնականացման գործընթացում ավելի հստակ տվյալներ ենք ունենում և վերջնական ցուցակը հրապարակվելու է», - հայտարարեց Տիգրան Ավինյանը։

Նա հայտնեց, որ կան նաև անհետ կորածներ՝ հավելելով, որ չի ուզում կոնկրետ թիվ հնչեցնել ոչ զոհերի, ոչ էլ անհետ կորածների վերաբերյալ. «Որովհետև այդ վերջնական թիվը երբ ունենանք, արդեն ամբողջական զեկույցով կներկայացվի Պաշտպանության նախարարության կողմից։ Զոհերի թիվը 4000-ը չի անցնելու», - ասաց Տիգրան Ավինյանը։