«Ֆեյսբուքը ոչ միայն ազգային անվտանգության սպառնալիք է, այլև ռադիկալ-գլոբալիստական գաղափարախոսության գլխավոր գործիք». Վահե Դավթյան
359 Կիրակի, 24 հունվարի, 2021 թ., 18:00 «Մեկ Հայաստան» կուսակցության քաղխորհրդի անդամ, էներգետիկ մասնագետ Վահե Դավթյանը ֆեյսբուքյան իր էջում գրել է. «Ֆեյսբուքն այլևս ոչ միայն ազգային անվտանգության սպառնալիք է, այլև ռադիկալ-գլոբալիստական գաղափարախոսության կյանքի կոչման գլխավոր գործիք։ Այդ գաղափարախոսությունը, իր հերթին, խարսխված է հասարակական կյանքի բոլոր ասպարեզներում Հեղինակության հերքման վրա։ Վերանում է կրեատիվ փոքրամասնության միմեսիսը ոչ կրեատիվ մեծամասնության կողմից, որի արդյունքում վերջնականապես ձևավորվում է սպառողական հասարակությունը։ Այն սպառում է ամեն ինչ՝ երշիկից լրատվություն՝ չմտածելով նոր արժեք ստեղծելու մասին։ Այս ամենի գլխավոր արգասիքը կառավարվող քաոսն է, որն այդքան հարմար քաղաքական կառավարման մոդել է ռադիկալ-գլոբալիստների համար։ Ֆեյսբուքն ինքն իրենով հակաինստիտուցիոնալ, հակահամակարգային ու, հետևաբար, հակապետական երևույթ է։ Դրա ֆենոմենը կայանում է նրանում, որ այն հավասարության նշան է դնում տգետի ու ինտելեկտուալի, մասնագետի ու դիլետանտի միջև։ Ստեղծվում է հավասարության պատրանք, ինչի հետևանքով նույն տգետն ու դիլետանտն սկսում են հավատալ սեփական բացառիկությանը։ Արդյունքում մենք առերեսվում ենք ֆեյսբուքի միջոցով գեներացվող տեղեկատվական աղմուկին, քանզի յուրաքանչյուր օգտատեր իր պարտքն է համարում հրապարակավ արտահայտվել իր կոմպետենտությունից դուրս գտնվող հարցի շուրջ։ Սեփական բացառիկության պատրանքի կուլմինացիան լինում է այն ժամանակ, երբ ֆեյսբուքում որոշակի լսարան ձևավորելուց հետո նույն տգետն ու դիլետանտն սկսում են բարձր դերի հավակնել իրական կյանքում։ Այս պահից ի վեր և սկսվում է իրական ճգնաժամը, որի արդյունքը Հեղինակության վախճանն է ու, ի վերջո, պետության օխլոկրատիզացիան։ Մենք այսօր հենց այդ փուլում ենք»։ |
«Դրանց դատավարությունը լինելու է ժողովրդի կողմից». Նաիրի Հոխիկյան
4322:36Դատարանը մերժել է Տոնոյանին կալանքից ազատելու հերթական միջնորդությունը
3622:06«Պարոն Ղազարյանի հրավերն ընդունված է». Եսայի քահանա Արթենյան
7121:30«Ապահովել պետության մրցունակությունը». Փաշինյան (տեսանյութ)
4521:18Պետրոս Ղազարյանը պատասխանել է Մայր Աթոռի տեղեկատվական համակարգի տնօրենին
6621:06«Իշխանության նույն քաղաքականության հետևանքով հայաթափվեց Արցախը». «Ապրելու երկիր»
5520:18Հայաստանում մամուլի ու խոսքի ազատությունը վտանգված են. EFJ
7019:36Կայծակը հարվածել է Աբու Դաբիից Երևան թռչող ինքնաթիռին, դիմապակին վնասվել է, խուճապ է սկսվել (տեսանյութ)
12119:18