«Ցնցում եմ ապրել, երբ տեսել եմ վարձկան սիրիացիներին ու դիտարկել նրանց պահման պայմանները ՀՀ-ում»․ Զ. Հովհաննիսյան

Իրավապաշտպան, «Ընդդեմ կանանց նկատմամբ բռնության կոալիցիայի» համակարգող Զարուհի Հովհաննիսյանը ֆեյսբուքյան իր էջում գրել է. «Ամեն մի գերու տուն վերադարձը մի մեծ ուժ է տալիս ինձ ապրելու։ Երեկ ևս 5 ՀՀ քաղաքացի վերադարձվել է։
Ես այսքան տարիների ընթացքում բազմաթիվ բանտարկյալներ եմ տեսել, երբեմն շատ ծանր հանցագործություններ կատարած, բայց լուրջ ցնցում եմ ապրել, երբ տեսել եմ վարձկան սիրիացիներին ու դիտարկել եմ նրանց պահման պայմանները Հայաստանում։
Տաք, ջեռուցվող առանձնախուց, որն ապահովված է ջրով, սանհանգույցով, շաբաթը մեկ լոգանք, մաքուր հագուստի տրամադրում և օրը 3 անգամյա բարձր որակի սնունդ։ Նաև՝ բժշկական բարդ հետազոտություններ և անհրաժեշտ օգնության ու դեղորայքի տրամադրում։
Այո՛, դա այդպես էլ պետք է լինի, մենք մարդասիրական սկզբունքներով առաջնորդվող երկիր ենք, բայց առաջին անգամ ինձ մոտ զուգահեռ միտք էր, բա մեր երեխեքը ո՞նց են հիմա, դատելով բազմաթիվ նվաստացումներ պարունակող տեսանյութերից՝ շատ վատ։
Թող վերանա պատերազմի իրավունքն ու ռազմագերի երևույթն աշխարհից»։