«Մեր գաղափարախոսությունը պարտվում է թուրք-թաթարական գաղափարախոսությանը». Վահրամ Միրաքյան

Գործարար, մարքեթոլոգ Վահրամ Միրաքյանը ֆեյսբուքյան իր էջում գրել է. «Պետությունների պայքարը, ինչպես ցանկացած այլ սոցիալական խմբերի դեպքում, նախ գաղափարախոսությունների պայքար է:

Ու մենք պետք է գիտակցենք, որ մեր գաղափարախոսությունը պարտվում է թուրք-թաթարական գաղափարախոսությանը: Ինչի վառ ապացույցն է վերջին 800-900 տարիների թուրքերի նկատմամբ բոլոր ոլորտներում մեր նահանջը: Շատ տհաճ է, բայց պետք է գիտակցենք: Թուրքերի՝ Հայկական լեռնաշխարհ մուտքից հետո մենք միայն նահանջել ենք:

Դրա վառ ապացույցն է վերջին 30 տարին: Մենք մոռացանք ու ոչ մի պահանջատիրություն չձևակերպեցինք, ասենք՝ հայկական Շահումյանի նկատմամբ, իսկ իրենք ագրեսիվ պահանջատիրությունը պահպանեցին, էլի հայկական, ասենք՝ Շուշիի նկատմաբ: Էլ չեմ ասում պատմական Հայաստանի այլ շրջանների մասին, որոնք մասամբ էին հայկականությունը պահել: Ասենք՝ Գանձակը:

Իրենք հաղթեցին գաղափարախոսությամբ:

Մեկ-մեկ ինձ թվում է, որ Սասունցի Դավթի ազնիվ, նախահարձակ չլինելու ռազմավարությունը թշնամու նկատմամբ կամ հարձակվելուց առաջ զգուշացնելը.... մրցունակ չեն թուրք-թաթարական, մշտապես ագրեսիվ նվաճողական ռազմավարության նկատմամբ:

Մենք պարտվում ենք գաղափարախոսության, ռազմավարության մակարդակում: Էդտեղից է պետք սկսել:
Ի՞նչ եք կարծում»: