«Երկրի իրական դեմքը». Վահան Թումասյան

269

Կիրակի, 31 հունվարի, 2021 թ., 20:50

«Շիրակ կենտրոն» ՀԿ նախագահ Վահան Թումասյանը ֆեյսբուքյան իր էջում գրել է. «Երկրի իրական դեմքը...

Միայնակ տարեցները՝ անօգնական ու անպաշտպան:

Այսօր՝ ամբողջ օրը, Գյումրու ծայրամասային տնակային ավաններում և գյուղերում էինք: Ամեն օրվա նման սարսափելի ծանր տպավորություններով եմ վերադարձել: Այս տեսանյութում ներկայացվող միայնակ տարեցը մի քանի օր առաջ վայր էր ընկել և ավելի քան մեկ օր մնացել էր սառը հատակին: Հարևանները 82-ամյա տարեցի տնակի դուռը ջարդել և հայնաբերել էին նրան ցրտահարության շեմին: Հարևանները փորձում են խնամել, անհրաժեշտ փոքր բաներով էլ մենք օգնեցինք: Այսօր կրկին այցելեցինք, դուռը փակ էր, մտածեցինք, թե մեր ահազանգերն ու հրապարակումներն արդյունք են տվել և տարեց կնոջը տեղափոխել են հիվանդանոց, ցավոք, կրկին անհիմն լավատես դուրս եկանք: Պաղ վառարանի մոտ ծանր վիճակում տեսանք տարեց կնոջը, երբ դրսից հարևանները դուռը բացեցին.... կրկին փայտ տրամադրեցինք, բայց նրան լուրջ խնամք և բուժում է հարկավոր....»: