ՌԴ մեկնող քաղաքացիների հարցը լուծվեց

«Արմենիա» ավիաընկերության փոխտնօրեն Գևորգ Խաչատրյանը քիչ առաջ «Զվարթնոց» օդանավակայանում հանդիպեց քաղաքացիների հետ, ովքեր տեխնիկական պատճառներով այսօր՝ ժամը 12։00-ին չկարողացան մեկնել Ռուսաստանի Դաշնություն։

Հիշեցնենք, նրանք COVID-19-ի թեստ էին հանձնել այն ընկերությունում, որը ներառված չէր «Ճամփորդիր առանց COVID-19-ի» ծրագրի ցանկում, ինչն էլ պատճառ էր դարձել, որ նոր հավելվածը թույլ չտա նրանց մեկնել։

Գևորգ Խաչատրյանը հայտնեց, որ հավելվածում առկա է միայն երկու կազմակերպության անուն, ինչը, հավանաբար, վրիպել է քաղաքացիների աչքից։

Նրա խոսքով՝ ավիաընկերությունը բացառություն կանի, տոմսերը կփոխեն և քաղաքացիները կմեկնեն ՌԴ այլ չվերթներով՝ առանց հավելյալ գումար վճարելու: