«Չեմ հանդիպել որևէ «սոռոսականի», ով ցանկանա, որ Հայաստանը մտնի ԱՄՆ-ի կազմի մեջ». Ստյոպա Սաֆարյան

Քաղաքագետ, Հանրային խորհրդի նախագահ Ստյոպա Սաֆարյանը ֆեյսբուքյան իր էջում գրել է. «Ես դեռ չեմ հանդիպել որևէ «սոռոսականի», ով հայտարարած լինի, որ Հայաստանը պետք է իր ինքնիշխանությունն ու անկախությունը զոհաբերի և մտնի ԱՄՆ կազմի մեջ։ Բայց «սորոսականության» դեմ պայքարող ու իրեն «ազգային» ներկայացնող արդեն որերորդ անձը հայտարարում է, թե Հայաստանը պետք է հրաժարվի անկախ ու ինքնիշխան ապրելուց և մտնի Ռուսաստանի կազմի մեջ։ Ի դեպ, այդ նույն տեսակետը ու այլ հարցերով «էկզոտիկ» մտքեր հայտնած Արցախի անվտանգության խորհրդի քարտուղար Վիտալի Բալասանյանի վերջին՝ ռուս լրագրողին տված հարցազրույցը առանձին անդրադարձի թեմա է»։