«Չհամարձակվե՛ք մեզ ինչ-որ կարմիր գծերով սպառնալ». Արսեն Ղուկասյանը՝ իշխանությանը

«Տեղեկություն ունենք, որ մեր ՊՆ-ը որդեկորույս, անհետ կորած զինծառայողների ծնողների հետ սկսել է արդեն ուլտիմատումային տոնով խոսել»,- ֆեյսբուքյան ուղիղ եթերում հայտարարել է անհետ կորած զինծառայողի եղբայր, որոնողական աշխատանքների մասնակից Արսեն Ղուկասյանը:

«Ուրեմն ասել են, որ ծնողները մի հատ էլ ինչ-որ մի սպայի հետ վատ վերաբերվեն, կենթարկվեն քրեական պատասխանատվության: Չնայած՝ էդ մասին վարչապետի հետ վերջին հանդիպման ժամանակ Փաշինյանն էլ ասաց, որ՝ նայեք, կարմիր գծերը մի՛ անցեք, թե չէ կենթարկվեք քրեական պատասխանատվության: Հիմա ես եմ ասում բոլոր ծնողների անունից՝ հանկարծ չհամարձակվեք մեզ ինչ-որ կարմիր գծերով սպառնալ»,- ասել է Արսեն Ղուկասյանը: