«Տեսեք, թե ինչ գումարի մասին է խոսքը». Կարեն Հեքիմյան

«Քաղաքացու իրավունքների պաշտպան» ՀԿ նախագահ Կարեն Հեքիմյանը ֆեյսբուքյան իր էջում գրել է. «Ուղիղ մեկ տարի առաջ այս օրը Սահմանադրական դատարանի անդամ կամ դատավոր Գրիգորյան Վահեն հայտարարեց, որ «Էս դատարանի նիստերին չեմ մասնակցելու, մինչև դրա հարցը չլուծվի» (նա ՍԴ դատավոր էր ընտրվել 2019 մայիսի 19-ին և շուրջ 1-1.5 տարի ՍԴ նիստերին չէր մասնակցում): Նա իր ասածն իրագործեց՝ ՍԴ նիստերի չգնաց, սակայն աշխատավարձից, ծառայողական մեքենայից և, միգուցե պարգևավճարներից չհրաժարվեց: Հիշեցնեմ, որ ՍԴ դատավորի միայն ամսեկան աշխատավարձը կազմում է 793 հազար 680 դրամ: Չեմ խոսում այլ գումարների մասին, որոնք ՍԴ դատավորի վրա են ծախսվում պետական բյուջեից: Հաշվեք ինքներդ և տեսեք, թե ինչ գումարի մասին է խոսքը: Ինչևէ: 2020թ սեպտեմբերի 27-ին մեկնարկեց 44-օրյա պատերազմը: Միայն մեկ օրինակ բերեմ. պատերազմական գործողություններին մասնակցող կամավորին խիստ անհրաժեշտ՝ մոտ 150000 դրամ արժողություն ունեցող հեռադիտակը վերջինս խնդրում էր ԱՄՆ-ում բնակվող իմ ազգականներից: Սա է»: