«Անտեր շան նման ընկած ենք դռները»․ անհետ կորած զինվորի ծնող

Ինչպես արդեն հայտնել էինք, այսօր ևս անհետ կորած զինծառայողների ծնողները հավաքվել են ՊՆ-ի դիմաց՝ պահանջելով որևէ լուր, որևէ գործողություն պետության կողմից: Ծնողները փետրվարի 6-ին նույնպես հավաքվել էին նախարարության մոտ, սակայն՝ անարդյունք։

«Հոկտեմբերի 1-ից հետո իմ երեխից լուր չկա։ 5-րդ ամիսն ա գնում, ոչ մի բան չեմ տեսնում։ Ռեալ ոչ մի պատասխան չեն տալիս՝ է՛լ կառավարություն, է՛լ որտեղ․․․ անտեր շան նման ընկած ենք դռները․․․ ի՞նչ ա նշանակում սա, խի՞ պետք ա ծնողն էս վիճակում լինի»,- լրագրողների հետ զրույցում ասաց անհետ կորած զինծառայողներից մեկի ծնողը։