«Եկեք 4 մլն 700 հազարը տանք էդ մարդուն, թողի՝ գնա». Արմեն Ներսիսյանը՝ քաղաքապետին

Երևանի ավագանու նիստում ԲՀԿ խմբակցության անդամ Արմեն Ներսիսյանն իր ելույթում անդրադարձավ Վերին Շենգավիթ 2-րդ փողոցի, 1-ին շենքի այգու հարցին: «Շենքից վեց մետր հեռավորության վրա է այգին, որտեղ ծառեր կան, խաղահրապարակ: 2017-ին սեփականացրել են հողակտորն ու վաճառել ինչ-որ մեկին, վերջինը բարեխիղճ գնորդ է եղել, տվել է դատարան: Դատարանը ճանաչել է, որ խաղահրապարակը պետք է քանդվի, ոստիկանների միջոցով եկան, քանդեցին:

Մարկոս Հարությունյանը մոտ մեկ ժամ բանակցում էր տվյալ քաղաքացու հետ, որ եղբա՛յր, արի քեզ համար մեկ ուրիշ տարբերակ մտածենք: Հրաժարվեց, ասաց՝ մեր պահանջը եղել է 4 մլն 700 հազար դրամ, որ փոխհատուցվեր, դա էլ չեղավ, դրա համար ստիպված դիմել եմ դատարան: Հիմա մենք տվյալ սեփականատիրոջ հետ էլի բանակցությունների մեջ ենք: Պարո՛ն քաղաքապետ, արեք էդ փողը տանք էդ մարդուն, թողի՝ գնա, էդ խաղահրապարակը չքանդվի: Ձեզ ոչ մի բան չեն տեղեկացնում, եթե տեղեկացնեին՝ կասեիք, տվեք էդ 4 մլն 400 հազարը, թող հեռանա»,- ասաց Ներսիսյանը: Հայկ Մարությանն արձագանքեց՝ քաղաքապետարանը դրա իրավունքն ունի, թե ոչ, պետք է հասկանալ, գնահատման հարց կա. «Կարող են ասել՝ դրա գինը, օրինակ, 2 մլն 500 հազար էր, դուք տվել եք 4 մլն 700 հազար»,- հայտարարեց քաղաքապետը: