«Կրակոցները ֆիքսում ենք, փոխանցում խաղաղապահ ուժերին». Վաղարշակ Հարությունյան

Այսօր ԱԺ-Կառավարություն հարցուպատասխանի ժամանակ պատգամավոր Թագուհի Թովմասյանը պաշտպանության նախարար Վաղարշակ Հարությունյանից հետաքրքրվեց Սյունիքի սահմանամերձ հատվածներում պարբերաբար կրկնվող կրակրոցներից՝ հարցնելով, թե ինչ քայլեր են ձեռնարկվում այդ ուղղությամբ:

Հարցին ի պատասխան նախարարն ասաց. «Նախարարությունն ամեն օր ներկայացնում է շփման գծում իրավիճակը: Դեկտեմբեր ամսից մինչ այսօր մենք չունենք որևէ մի սպանություն շփման գծում, մի վիրավոր ունենք միայն Շուշիում: Այս ընթացքում, որևէ մի միջադեպ, որը մեր կողմից ֆիքսվել է, չկա: Զինադադարի խախտումներ եղել են. օրական, ասենք թե, 5 փամփուշտ ա կրակվում, բայց՝ ոչ մեր դիրքերի ուղղությամբ. բոլորը օդ են կրակվում: Այդ դեպքերը մենք ֆիքսում ենք և փոխանցում խաղաղապահ ուժերին. իրենք քննություն են կատարում: Այսօր ես հանդիպել եմ Մուրադովի հետ և էդ հարցն իր առջև դրել եմ, որ կան նման դեպքեր, ինքն էլ էդ հարցը դրել ա Ալիևի առջև, որ կան այդպիսի դեպքեր: Խնդիրը հետևյալն է՝ կա կրակոց, մենք ֆիքսում ենք, փոխանցում խաղաղապահ ուժերին»: