Ճգնաժամային կառավարման ազգային կենտրոն մոտ 1310 ահազանգ է ստացվել

189

Շաբաթ, 13 փետրվարի, 2021 թ., 19:25

Այս պահի դրությամբ Ճգնաժամային կառավարման ազգային կենտրոն մոտ 1310 տարաբնույթ ահազանգ է ստացվել։ Հայտնում է ԱԻՆ լրատվական ծառայությունը:

Փլուզումների վերաբերյալ ստացված ահազանգերից հաստատվել են դեռևս չորսը․ Երևանի Այվազովսկու փողոցում (մեկհարկանի շինության պատից՝ 9 քմ, տանիքից՝ 7 քմ փլուզում), Սմբատ Զորավարի փողոցում (շենքի պատից՝ 2 քմ փլուզում), Չեխովի փողոցում՝ (շենքի պատից՝ 1 քմ փլուզում) և Կոմիտասի պողոտայում (շենքի պատից պոկվել է մոտ 10 սալիկ):
Հերքվել է նախնական տվյալների համաձայն Այվազովսկու փողոցում տուժած քաղաքացու առկայությունը։
Ունենք հետցնցումային ակտիվություն, որն աստիճանաբար մարում է։ Գրանցվել է շուրջ 46 հետցնցում: