«Դա հաղթանակի հասնելու միակ ճանապարհն էր». Հայկ Մարտիրոսյան

Քաղաքագետ Հայկ Մարտիրոսյանը ֆեյսբուքյան իր էջում գրել է․ «Փաստորեն հաստատվեց այն, ինչ ասում էինք տարիներ շարունակ: Երեսուն տարի անընդմեջ Հայաստանում իշխել է հիմար, տխմար, անուղեղ և դավաճանական միտք, թե կարելի է Ադրբեջանի հետ ընդհանուր հայտարարի գալ, խնդիրը լուծել և այլն:

Մինչդեռ Ադրբեջանն ընդամենն աշխատել է իր վրա, դաշնակիցներ ձեռք բերել, Ռուսաստանի համար դարձել ցանկալի և հարգելի գործընկեր և, ի սկզբանե, իմանալով, որ չի գնալու ոչ մի փոխզիջման, մոտեցրել է պատերազմի օրը: Իր օրը:

Հիմա մեր հակաոչմիթիզհողական դավաճաններն ու ապուշները, մեկը մյուսին հերթ չտալով, միմյանց մեղադրում են դավաճանության սխալ մեխանիկա կիրառելու մեջ:

Իսկ ժողովուրդը... ժողովուրդն անգամ չի հասկանում, որ կար մի երկրորդ ուղի՝ գնալ այն ճանապարհով, որով գնաց Ադրբեջանը:

Եվ դա հաղթանակի հասնելու միակ ճանապարհն էր»: