«Արցախում ռուսերենի պաշտոնական կարգավիճակի նախաձեռնությունը հետպատերազմական իրողության արտացոլում է». Հակոբ Բադալյան

Քաղաքական մեկնաբան Հակոբ Բադալյանը ֆեյսբուքյան իր էջում գրել է. «Արցախում ռուսերենի պաշտոնական կարգավիճակի նախաձեռնությունը, իհարկե, հետպատերազմական իրողության արտացոլում է: Ամեն ինչ բավականաչափ պարզ է՝ ավելորդ նկարագրելու համար: Այսօր Արցախում դե ֆակտո իշխանություն է խաղաղապահ կոնտինգենտը՝ սրանից բխող մի շարք իրողություններով: Կարող ենք նախաձեռնությանը տալ ամենախիստ կամ կոշտ գնահատական, բայց չեմ կարծում թե ներկա իրավիճակում դրանից կփոխվի որևէ բան: Էստեղ պայքարի մեթոդաբանությունը պետք է լինի թերևս «ասիմետրիկ», այսինքն՝ առավելագույն ջանքեր և նախաձեռնություններ որևէ հարթությունում Հայաստան-Արցախ օտարում թույլ չտալու համար, և առավել ևս հասարակական հարթությունում: Օրինակ՝ պետք է հասնել նրան, որ տարեկան մի քանի հարյուր հազար հայաստանցի այցելի Արցախ, ամենատարբեր նպատակներով՝ աշխատանքայինից մինչև զբոսաշրջային»: