«Էսպես են կորչում ազգերը աշխարհի քարտեզից». Միքայել Նահապետյան

«Քաղաքացու որոշում» սոցիալ-դեմոկրատական կուսակցության անդամ Միքայել Նահապետյանը ֆեյսբուքյան իր էջում գրել է. «Ռուսերենին տալով պաշտոնական կարգավիճակ՝ Արցախում պրակտիկորեն անմիջապես պաշտոնական գրագրությունը կդադարի իրականացվել հայերենով, հետո քաղաքականության լեզուն էլ կդառնա ռուսերենը: Ռուսերենը կդառնա նաև ամենաորակյալ դասավանդվող լեզուն՝ տնտեսությունից ու հայերենի իմացություն պահանջող աշխատատեղերից զուրկ Արցախում ուր աշխատատեղ ապահովող եզակի կազմակերպությունները՝ պետական ապարատն ու բանակը կառավարվելու են ռուսերենով: Եվ աստիճանաբար հայերենը կդառնա «բոսյակների լեզու», որով հայհոյում են խմած ժամանակ ու երբեմն պատմում են անեկդոտներ հայի, թուրքի ու վրացու դառը բախտի մասին: Երբ «էլիտաների» ու «մասսաների» լեզուն անդառնալիորեն առանձնանում են իրարից՝ փլուզումը զուտ ժամանակի հարց է դառնում: Էսպես են կորչում ազգերը աշխարհի քարտեզից»: