«Սա լուրջ հարված է խոսքի ազատությանը». Հ2 հեռուստաընկերության փոխտնօրեն

241

Ուրբաթ, 19 փետրվարի, 2021 թ., 12:10

«Հ2» հեռուստաընկերություն եթերազրկման և դրան առնչվող դատական գործընթացի վերաբերյալ ասուլիսի ժամանակ փոխտնօրեն Լևոն Սուլթանյանը հիշեցրեց, որ Հեռուստատեսության և ռադիոյի հանձնաժողովի 2021 թվականի հունվարի 15-ի որոշմամբ Հայկական երկրորդ հեռուստաալիքը զրկվել է վերգետնյա հեռարձակում իրականացնելու իրավունքից։ Նրա խոսքով՝ ՀՀ պատմության մեջ աննախադեպ երևույթ է, որ հանրապետական ծածկույթ ունեցող հեռուստաալիքը եթերազրկվում է, ինչը լուրջ հարված է խոսքի ազատությանը ու որպես հետևանք՝ ժողովրդավարությանը: «Վերջին տարիներին մեր ընկերության սեփականատիրոջ նկատմամբ իրականացվել է քաղաքական հետապնդում, որը զուգորդվել է նաև մեզ լռեցնելուն ուղղված բազմաթիվ հետևողական քայլերով, ու մեր մոտ կասկած չկա, որ այս որոշումը նույն տրամաբանության մեջ է տեղավորվում»,- ասաց հեռուստաընկերության փոխտնօրենը՝ հավելելով, որ մինչև վերջ պաշտպանելու են իրենց իրավունքները: