«Առգրավվել են բոլոր հնարավոր էլեկտրական սարքերը». Կ․ Բեքարյանի փաստաբանը մանրամասներ է հայտնում

«ԱԱԾ֊ում հարուցված քրեական գործի շրջանակներում էր Կարեն Բեքարյանի տանն իրականացվում խուզարկություն, որի թույլտվությունը տրվել էր դատավոր Մանվել Շահվերդյանի կողմից։ Նշում էին, որ գործն առնչվում է պատերազմի օրերին ինչ֊որ կեղծ էջերով կատարված հրապարակումների»,-հայտնել է «Քառյակ Մեդիա»-ի համահիմնադիր, քաղաքական վերլուծաբան Կարեն Բեքարյանի փաստաբան Գոռ Միքայելյանը՝ նշելով, որ առգրավվել են ոչ միայն այն իրերը, որոնք տեղեկություն պարունակող են՝ համակարգիչ, նյութական կրիչ և այլն, այլև՝ բոլոր հնարավոր էլեկտրական սարքերը։

Հիշեցնենք, որ Ազգային անվտանգության ծառայությունը բերման է ենթարկել «Քառյակ Մեդիա»-ի համահիմնադիր, քաղաքական վերլուծաբան Կարեն Բեքարյանին։