«Ո՛չ մի հրամանի պիտի չենթարկվեք». Վազգեն Մանուկյանի կոչը՝ բանակին

«Բանակի մասին. ասում են՝ հիմա սենց կլինի, հետո իրավաբաններն ասում են՝ այսպես կլինի, հետո կկանչեն, օրինակ, Վարչական դատարան, սենց կլինի: Բանակն ի՞նչ գործ ունի դատարանների հետ: Բանակը պիտի ասի՝ ես թքած ունեմ ձեր հրամանների վրա. ես հիմա ռազմաճակատում եմ, ինձ ո՞վ կարա ռազմաճակատից դուրս հանի»,- այսօր ՀՓՇ հանրահավաքի ժամանակ հայտարարեց շարժման վարչապետի թեկնածու Վազգեն Մանուկյանը:

Ելույթի ընթացքում նա կոչով դիմեց բանակին. «Դուք հիմա ռազմաճակատում եք: Ձեր մեջքի հետևը Հայաստանն է: Ինչպես պատերազմի ժամանակ էր ձեր որոշումից շատ բան կախված, նույնն էլ՝ հիմա. էլի պատերազմ է շարունակվում: Ո՛չ մի հրամանի պիտի չենթարկվեք. ինչ կորոշի էս դատարանը, ինչ կորոշի Սահմանադրական դատարանը...: Մենք դրանից արդեն անցել ենք: Պետությունը մահանում է և պեության փրկումը ցանկացած պօրենքից բարձր է»,- հայտարարեց նա: