Ինչ են պայմանավորվել Տավուշի մարզպետը և Նոյեմբերյան-Երևան ճանապարհը փակած անձինք

Նոյեմբերյան-Երևան ճանապարհը փակած մարդկանց և Տավուշի մարզպետ Հայկ Չոբանյանի հանդիպումն ավարտվել է։ Տեղեկությունը Sputnik Արմենիային հայտնել է մարզպետարանի մամուլի խոսնակ Լիլիթ Սարգսյանը։

«10-15 հոգի, որ ճանապարհ էին փակել, մոտ մեկ ժամ հանդիպում են ունեցան նախարարի հետ։ Իրենց բոլոր մտահոգությունները արտահայտեցին, հարցեր տվեցին։ Մարզպետը արձագանքեց ապատեղեկատվությանը՝ սահմանազատման աշխատանքների հետ կապված։ Քաղաքացիները մարզպետի մոտեցումների հետ համաձայն էին»,– փոխանցեց խոսնակը։

Տավուշցիները մարզպետի հետ պայմանավորվել են այլևս ճանապարհները չփակել։

Նշենք, որ այսօր ցերեկը նրանք փակել էին Նոյեմբերյան-Երևան ճանապարհը և Չոբանյանի հետ հանդիպում էին պահանջում։ Բողոքի ակցիայի և հանդիպման հիմնական պատճառը Ադրբեջանի հետ սահմանին տիրող իրավիճակի վերաբերյալ մտահոգությունն է։